UVAGUT PIPLUTA
Ikayuqtigikniq hugiaqninut nuna ilakhat akhurnaqnit ikayuriangi allatqikpalliqni naamaktutlu atulaqni Nunavummiut.
Kavamatuqatkut Kavamait
Kaanatami Akiliutauyuq Iglumut Nayugaangat unalu Igluliqiyiryuakkut
Ikayuqtiuyut hunaqutitarniqmik iqluqpaghanik nunaniklu aimavighanut niuviqtaqhutik taapkuatut Ikluqpiurvighat Hunaqutinut Akirautit Avvaa 3 (Ukiuqtaqtumi Atuqtittiniqmut Avvaat)
Igluqpiurvikhat Havaqatigiit
Nunavut Tunngavik Timigutit
NUNAVUT TUNNGAVIK TIMIGUTIT (NTI) – Munaqtiuvaktut Inuit manighiurutainik, inuuhiqattiarniit ilitquhinullu inuuhiqattiarniit atuqtittiviagut Nunavunmi Nunataarutinut Angirutit (NLCA) taimaalu munariplugit aallat havaqatigiit maliguattiariamik NLCA havaaghainut.
Angirratsaliulauqta
ANGIRRATSALIULAUQTA (NIHAP) parnaiyaiyumayut ikkuaqtiulutiklu pivighanik havaaghaniklu taapkua Tikkuaqtauhimayut Inuit Timiqutait ikayuqtiuyughat amihunut ikluqpaghanut ihariagiyainut Nunavunmi Inuit.
NTI-kut piqaqtitai angiyumik hanivavigini atuqpiariangilu tapkuat ihuaqutit atuqtauni pingahuni Nunaliit Avikhimani Inuit Katutyiqatigit (RIA) tapkuat kivgaqtuiyut Inuit atuqni avvikhimanini Nunavut. RIA-nguyut havaqatigivagait NTI-kut hanayunik atuqtittiyuniklu NIHAP-mik.
Nunavut Katudjiqatigiingnit Nunaliit Kavamangit
Haamlatkunnik Ikayuqtiuyut
Kivgaqtiuvaktut Nunavunmi 25-nguyunit haamlatkut kavamainit taimaa atauttikkuuqtumik nipiqaqtumik tuhaqtauyaamik aallannguqtiriyughanut ikayuqpaalliriamik Nunavunmi nunallaat.
Nunavunmi Igluliqiyiiryuat
NUNAVUNMI IGLULIQIYIIRYUAT (NHC) – Nunavunmiunut tamaat ikluqpaghaqaqtinnahuaqpaktut aimavighainik ikayuutauyut aanniaqtailiniqmut, qayangnaittumik, ilikkuuqtunut ihumaqattiaqtunut inungnut Inuit Ikluqpautighaigut, havaghutiklu ikayuqhugit hannaviit havaqatait ikluliuriamik akituvallaanngittunik niuvigaghaniklu ikluqpaghanik Nunavunmiunut.
Igluliuqatigiingniq
Nunavut 3000 Havaaghait naatkutigiikpaktait NHC-kut, havaqatiait ikluliuqtillu hannaviit ilauyunik havaktighait hanayaamik 3000-nik nutaanik ikluqpaghanik ikluqpaghailliuqtunut Nunavunmi 2030 atuqtinnagu.
Ilauyut
Piqatigikni ilakhat, aulatauni, tikkuaqnilu naamaktut nuna tapkununga angilranut.
Aviktuqhimayumi Inuit Katimayiit taapkualu Aviktuqhimayumi Hanayiit Kuapuriissait ayuqhautait
INUIT NUNALIT AVIKHIMANINI KUAPURISAN (IRDC) – IRDC-ngi tapkuat maniliurutit pivaliatitni uigugiyai tapkuat RIA-kut ikayuqtuqnilu nanminilgit pilaqnit, tapkuatut pivaliatitni hanayaunilu, atuni pingahut avikhimanit Nunavut.
Nunavunmi 25-nguyut Haamlait
Piqatauni uvaluniit turaqhugit nuna parnaiyainiq pityuhiq, hannaiyaqtai nuna nutanut pivaliatitni; aulatauni katitlugit ilakhat piyalgit nutanut hanayauni; aulani nuna kititauni atuqtuarutit pivaliatitnilu pilarutit; hugiaqnilu tuhagakhat piqaqnit iglukhanut piqaqtitiyut ahiilu iglukhanut piqatauyut.
Kavamatkut Nunavunmi
KAVAMATKUT NUNAVUNMI HAVAKVIAT NUNALINGNI KAVAMATKUNNILU PIVIKHAQAUTIKKUT – Ikayuqtiuvaktut nunanik parnaiyaiyunik havauhiqnut; ikayuqtiuvaktut nunallaarnik nunamingnut ilauyunik havaaghainut; aulapkaivaktut Parnaiyaiyit Nunaniklu nunauyaliuqtut naunaitkutanik tutquumaviinik; atauttikkuuriaghait angiyunik parnaiyaiyut nunaniklu hanayut havaangit ikluqpaghat ihariagiyaigut, parnaiyaivaktullu ikluqpaliuqvighanik aklivaalliqniagut.
HUNAUVAT NUNAVUTMI IGLUQPIURVIKHAT PIGIARUTAI (L4H)?
Nunanik Ikluqpaghanullu havaqatigiit havaqatigiiktut ikayurahuaqhugit ihuaqtunik hannavighat-iniriiqhimayut amihuniklu ikluqpaghanut uuktuqtaghanik Nunavunmiunut.
KINA PIQATAUVA TAPKUNANI L4H PIGIARUTIT?
Nunavunmi Igluliqiyiiryuat (NHC), Nunavut Tunngavik Timigutit (NTI), tapkuatlu Nunavut Katudjiqatigiingnit Nunaliit Kavamangit (NAM) havanguyunut katutyiqatigit. Aturniqhat piqatauyut ilalgit tapkuat Nunaliit Avikhimanini Inuit katutyiqatigit, nunalikni kavamagiyauyut, tapkuatlu Kavamatkut Nunavutmi Nunalingni Kavamatkunnilu Pivikhaqautikkut. Havaaghanut Manighautit tuniyauvaktut talvanngat Kaanatami Akiliutauyuq Iglumut Nayugaangat unalu Igluliqiyiryuakkut (CMHC).
HUNGMAT TAMNA L4H ATUQPIAQA?
Ayuqhautauvaktuq ikluqpaghailliurniq aulahimmaaqpaktuq qayangnautaupluni Nunavunmiunut. Amigaiqpaalliqhimayut ikluqpaghaliuqtut Nunavunmi tapitpalliahimayuq malruk ukiut atuqhimayunit. Ikayuqtigikhimaittumik huliniit ikayuriangi piyarakittumik pitaqni naamaktunik “hannavighat-iniriiqhimayut” nuna, ikitqiyat angilrat igluqpiulaittut.
QANUQ TAMNA L4H IKAYUQTUQNI NUNA IGLUKHATLU KATUTYIQATIGIT?
Taamna L4H QauhimayanitTunngavilik taamnalu L4H Naunaiyautit Hanalrutit ihuaqtumik naunaitkutait atuqtaunginnariaqaqtut ikayuutighait ihumaliuttiarniqmut aittuqtunik tikkuaqtuiyuniklu nunanik igluqpaliuqvighat.
QANUQ TAMNA L4H NAKUUHIVALLIQNI PILAQNI ATUQPIARIALGIT NUNA MIKHAANUT TUHAGAKHAT?
L4H ilitturihimaliqtut nunanik atuqtauyughanik, ikluqpaliuqvighat, naunaitkutanullu ayuqhautinik; katitiqhimayut qauhimayaniktunngavingnik nunallaarmit, hilaliqhiinik, ikluqpaliuqvighaplu naunaitkutainik: hanahimayut Hanalrutighanik katitiriamik, tutquumayaamiklu, nunanut-ilauyut naunaitkutanik; ikkuaqtighaqaqhutiku maliktaghaniklu ikayuutighghat ikluqpaliuqtit havaqatigiingnut.
HUNAUVA “NAAMAKTUQ” IGLUQPIURVIKHAT TUKILIK?
Ihuaqtut nunait ikluqpaghanut avighimayut taimaalu ayuqnaittukkut ikluliuqvigiinnarialik, manikkut akituvallaanngittuq avatinullu nakuupluni. Tamnalu kiutarialik nunalit hivulliutyaqninut ilitquhiliqutitlu piyaqaqni Inuit.
HUNAUVAT “HANNAVIGHAT-INIRIIQHIMAYUT” IGLUQPIURVIKHAT TUKILIK?
Hannavighat-iniriiqhimayut nuna angiqtauyut inungnut igluqaqvikhat atuqni nunaliuyup Nunalit Parnaut tamnalu Inikhait Maligaralat, kivgaqtutailu havagutaigut ilalgit apqutit, kuukvit, ikumatyutit, hupluqaqvit (tapkunani pilaqtuni).
QANUQ AKUNIUVA PIYAKHA IGLUQPIURVIKHAT “HANNAVIGHAT-INIRIIQHIMAYUT”
Pituarangat piyalik nunamut naunaiqhimania, nuna parnaiyainiq iliuqaqviunilu piyalgit havagutai atulat qaphinut ukiunut. Igluqpiuqni hanayauni amihuni pigialat hivuani hanatyutai tamaat iniqtitnagit.
QANURITNIAQAT NUNGUANI TAMNA TATYA TUKLIRIKNIA L4H?
Tamna L4H Ilihimaniqaqvit tamnalu Hanalrutai tamaat atulilat piyaulaqni atuqtinut katutyiqatigit piqatauyutlu talvunga Qiqailruq 31, 2025. L4H Ilaatut 2.0 Ihuaqnighakkut Parnaiyautinit naunaiyautilik qanuq L4H aulahimmaaqtumik ikayuqtiuvangniat ikluqpaliuqtunik nunaniklu havaqatigiingnut hivunighami.