ᐅᕙᒍᑦ ᒥᒃᓵᓄᑦ
ᐱᓕᕆᖃᑎᒌᓐᓂᐅᔪᑦ ᐱᓕᕆᐊᕆᓗᒍ ᓄᓇᖃᖅᑎᑕᐅᓂᕐᒧᑦ ᐊᔅᓱᕈᕈᑕᐅᔪᑦ ᐃᑲᔪᕐᓗᑎ ᐊᔾᔨᒌᖏᑦᑑᑕᐅᓂᖅᓴᓂᑦ ᐊᒻᒪ ᓈᒻᒪᑦᑐᓂᑦ ᐃᓪᓗᖃᓂᕐᒧᑦ ᓇᓖᕌᕋᒡᓴᓂᑦ ᓄᓇᕗᒻᒥᐅᓄᑦ.
ᒐᕙᒪᑐᖃᒃᑯᑦ
ᑲᓇᑕᒥ ᐊᑐᖅᑐᐊᕈᑎᓄᑦ ᐃᒡᓗᓕᕆᔨᕐᔪᐊᒃᑯᑦ
ᐃᑲᔪᖅᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐊᒻᒪ ᐃᒡᓗᓕᐅᕐᕕᒃᓴᑦ ᐱᓕᕆᑎᑦᑎᓂᑦᑎᒍᑦ ᓲᕐᓗ ᐃᓪᓗᖃᖅᑎᑦᑎᓂᕐᒧᑦ ᐊᔅᓱᕈᕈᑕᐅᔪᑦ ᐱᖓᔪᖓᑦ 3 (ᐅᑭᐅᑕᖅᑐᒧ ᐱᔭᔅᓴᐅᓂᖏᓐᓅᖓᔪᑦ)
ᐃᒡᓗᓕᐅᕐᕕᒃᓴᑦ ᐱᓕᕆᖃᑎᖏᑦ
ᓄᓇᕗᑦ ᑐᙵᕕᒃ ᑎᒥᖓᑦ
ᓄᓇᕗᑦ ᑐᙵᕕᒃ (NTI) – ᑲᔪᖏᖅᓴᐃᔪᑦ ᐃᓄᐃᑦ ᑮᓇᐅᔭᓕᕆᓂᕐᒧᑦ, ᐃᓅᖃᑎᒌᓐᓂᕐᒧᑦ ᐊᒻᒪ ᐱᖅᑯᓯᓄᑦ ᖃᓄᐃᖏᑎᐊᓂᕐᒧᑦ ᐊᑐᓕᖅᑎᑕᐅᓂᖓᒍᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ (NLCA) ᓇᓗᓇᐃᖅᓯᓂᖃᖅᓯᓈᖅᑐᑎ ᑖᒃᑯᐊ ᐊᓯᖏᑦ ᑎᒥᐅᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒧᑦ ᑎᑭᑦᑎᓗᑎ ᑐᕌᒐᖏᓐᓂ.
ᐊᖏᕐᕋᑦᓴᓕᐅᓚᐅᖅᑕ
ᓄᓇᕗᑦ ᐃᓄᐃᑦ ᐃᒡᓗᓕᕆᓂᕐᒧᑦ ᐃᓕᕆᐊᖅ ᐸᕐᓇᐅᑎᖓ (NIHAP) ᕿᓂᖅᑐᑦ ᐊᐅᓚᑦᑎᓗᑎ ᐊᒻᒪ ᑐᑭᒧᐊᖅᑎᑦᑎᓗᑎ ᑭᓱᓕᕆᔾᔪᑎᓂᑦ ᐊᒻᒪ ᖃᓄᐃᓕᓯᒋᐊᕈᑎᓂᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᐃᑦ ᑲᑐᔾᔨᖃᑎᒌᓄᑦ ᐃᑲᔪᕐᓗᑎ ᑎᑭᑦᑎᓗᑎ ᐊᔾᔨᒌᖏᑦᑐᓂᑦ ᐃᓪᓗᖃᖅᑎᑕᐅᓂᖏᓐᓄᑦ ᐱᔭᐅᔭᕆᐊᓕᓐᓄᑦ ᓄᓇᕗᒻᒥ ᐃᓄᓐᓄᑦ.
ᓄᓇᕗᑦ ᑐᖖᒐᕕᒃ (NTI) ᐊᖏᔪᓂ ᐱᓕᕆᑎᑦᑎᓂᖃᖅᑐᑦ ᐊᒻᒪ ᐱᔪᓐᓇᑎᑦᑎᔪᑦ ᐃᑲᔫᓯᐊᓂᑦ ᑐᕌᖅᑎᑐᐅᓗᑎ ᐱᖓᓱᓄᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (RIA) ᑭᒡᒐᖅᑐᐃᔪᑦ ᐃᓄᓐᓂᑦ ᐱᖓᓱᓂᑦ ᐊᕕᑦᑐᖅᓯᒪᔪᓂᑦ ᓄᓇᕗᒻᒥ. ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᖃᓚᐅᖅᑐᑦ ᓄᓇᕗᑦ ᑐᙵᕕᒃᑯᓐᓂ ᓴᖅᑭᖅᑎᑎᑕᐅᓂᖓᓄ ᐊᒻᒪ ᐊᑐᓕᖅᑎᑕᐅᓂᖓᓄᑦ ᓄᓇᕗᑦ ᐃᓄᐃᑦ ᐃᒡᓗᓕᕆᓂᕐᒧᑦ ᐃᓕᕆᐊᖅ ᐸᕐᓇᐅᑎᖓ.
ᓄᓇᕘᒻᒥ ᕼᐋᒻᓚᑯᑦ ᑲᑐᔨᖃᑎᒌᖏᑦ
ᓄᓇᓕᒻᒥ ᐃᑲᔪᖅᑐᐃᓂᕐᒧᑦ
ᐃᑲᔪᖅᑐᐃᔪᑦ ᑭᒡᒐᖅᑐᐃᓪᓗᑎ 25 ᓄᓇᓖᑦ ᒐᕙᒪᖏᓐᓂ ᐊᑕᖐᔪᓂᑦ ᓂᐱᖃᖅᑎᓪᓗᒋᑦ ᐊᑦᑐᐃᓂᖃᓂᐊᕐᓗᑎ ᐊᓯᔾᔩᓂᖃᖅᑐᓄᑦ ᐱᐅᓂᖅᓴᒥᑦ ᐃᑲᔪᖅᑐᓂ ᓄᓇᕗᒻᒥ ᓄᓇᓕᓐᓂᑦ.
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) – ᐱᕕᔅᓴᖃᖅᑎᑦᑎᓂᖃᖅᑐᑦ ᓄᓇᕗᒻᒥᐅᑕᓕᒫᓂᑦ ᐊᖏᕋᖃᕐᓗᑎ ᐃᑲᔪᖅᑐᓂᑦ ᖃᓄᐃᖏᑎᐊᓂᕐᒥᑦ, ᐊᑦᑕᓇᖏᑦᑐᒥ, ᐃᒻᒥᒃᑰᕈᓐᓇᖅᑐᓂᑦ ᐊᒻᒪ ᐃᑉᐱᒍᓱᑦᑎᐊᓂᕐᒥᑦ ᐃᓅᓯᖃᓂᕐᒥᑦ ᑐᓂᓯᓗᑎ ᐃᓄᓐᓄᑦ ᐃᓪᓕᖃᖅᑎᑦᑎᓂᕐᒥᑦ, ᐊᒻᒪ ᐃᑲᔪᖅᑐᐃᓂᖃᖅᑐᑦ ᐱᓕᕆᖃᑦᑕᖅᑐᓂᑦ ᐱᓕᕆᖃᑎᖏᓐᓂ ᑐᓂᓯᓗᑎ ᑮᓇᐅᔭᖅᑐᓗᐊᖏᑦᑐᓂᑦ ᐊᒻᒪ ᓂᐅᕐᕈᑎᖃᓂᕐᒧᑦ ᐃᓪᓗᓂᑦ ᓄᓇᕗᒻᒥᐅᑕᓄᑦ.
ᐃᒡᓗᓕᐅᖃᑎᒌᖕᓂᖅ
ᓄᓇᕗᑦ 3000 ᐸᕐᓇᐅᑦ ᐱᓕᕆᑎᑦᑎᓂᖃᖅᑐᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᑯᓐᓂᑦ, ᐱᓕᕆᖃᑎᖏᓐᓂ ᐊᒻᒪ ᐃᓪᓗᓕᕆᖃᑦᑕᖅᑐᓂᑦ ᑎᒍᒥᐊᖅᑎᐅᖃᑕᐅᔪᓂᑦ ᐱᑕᖃᖅᑎᑦᑎᔪᓐᓇᕐᓂᖏᓐᑦ ᑐᓂᓯᓗᑎ 3000 ᓄᑖᓂᑦ ᐃᓪᓗᓂᑦ ᐃᓪᓗᓕᕆᓂᓕᒫᖑᔪᓂᑦ ᓄᓇᕗᒻᒥ 2030−ᖑᓕᖅᑎᓪᓗᒍ.
ᑎᒍᒥᐊᖅᑎᐅᖃᑕᐅᔪᑦ
ᐱᓕᕆᖃᑎᒌᒃᑐᑦ ᓄᓇᖃᖅᑐᓂ, ᑲᒪᔨᐅᔪᓂ, ᐊᒻᒪᓗ ᓂᕈᐊᖅᓯᓂᕐᒥ ᐃᒡᓗᓕᐅᕐᕕᒃᓴᑦ ᓈᒻᒪᒃᑑᔪᓂ.
ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᐊᕕᑦᑐᖅᓯᒪᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᐃᑦ ᑭᓪᓕᖃᖅᑎᑕᐅᔪᓂᑦ
ᐊᕕᑦᑐᖅᓯᒪᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᐃᑦ (IRDGS) – ᐊᕕᑦᑐᖅᓯᒪᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᐃᑦ ᐃᓚᒍᑕᒋᔭᖏᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (RIA) ᐊᒻᒪ ᐃᑲᔪᖅᑐᑎ ᓇᒻᒥᓂᖃᓂᕐᒧᑦ ᐱᕕᔅᓴᐅᔪᓐᓇᖅᑐᓂᑦ, ᓲᕐᓗ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐃᓪᓗᓕᐅᓂᕐᒧᑦ, ᐊᑐᓂ ᐱᖓᓱᓂᑦ ᐊᕕᑦᑐᖅᓯᒪᔪᓂᑦ ᓄᓇᕗᒻᒥ.
ᓄᓇᕗᒻᒥ 25 ᓄᓇᓖᑦ
ᐃᓚᒋᔭᐅᖃᑦᑕᖅᑐᑦ ᐅᕝᕙᓘᓐᓃᑦ ᑐᑭᒧᐊᖅᑎᑎᓪᓗᑎ ᓄᓇᓂᑦ ᐸᕐᓇᐃᓂᕐᒧᑦ ᐱᕙᓪᓕᐊᓂᖏᓐᓄᑦ; ᐊᑐᐃᓐᓇᕈᐃᕙᑦᑐᑦ ᓄᑖᓂᑦ ᐱᕙᓪᓕᐊᑎᑦᑎᓂᕐᒧᑦ; ᐊᐅᓚᑦᑎᔪᑦ ᑲᑎᖅᓱᐃᓪᓗᑎ ᓱᓇᒃᑯᑖᓂᑦ ᐱᑕᖃᕆᐊᖃᖅᑎᑕᐅᔪᓂᑦ ᓄᑖᓂ ᐃᓪᓗᓕᐅᓂᕐᒧᑦ; ᐊᐅᓚᑦᑎᔪᑦ ᓄᓇᓂᑦ ᑎᑎᕋᖅᑕᐅᓯᒪᔪᓂᑦ ᐊᑐᖅᑐᐊᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᐱᔪᓐᓇᐅᑎᓂᑦ; ᐊᒻᒪ ᑐᑭᓯᒋᐊᕈᑎᖃᖅᑎᑦᑎᕙᑦᑐᑎ ᐃᓪᓗᖃᖅᑎᑦᑎᔨᓄᑦᐊᒻᒪ ᐊᓯᖏᓐᓄ ᐃᓪᓗᓕᕆᓂᕐᒧᑦ ᓇᖕᒥᓂᖃᖃᑕᐅᔪᓄᑦ.
ᓄᓇᕗᑦ ᒐᕙᒪᒃᑯᑦ
ᓄᓇᕗᑦ ᒐᕙᒪᒃᑯᑦ ᐱᓕᕆᕕᖓᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ – ᐃᑲᔪᖃᑦᑕᖅᑐᑦ ᓄᓇᓕᑦ ᐸᕐᓇᐃᓂᕐᒧᑦ ᐱᕙᓪᓕᐊᓂᖏᓐᓄᑦ; ᐃᑲᔪᖃᑦᑕᖅᑐᑦ ᓄᓇᓕᒻᒥ ᓄᓇᓕᓐᓂ ᓄᓇᖏᓐᓂ ᐊᑦᑐᐊᓂᓕᓐᓄᑦ ᐱᓕᕆᐊᕆᒋᐊᓕᖏᓐᓂ; ᐱᓯᒪᑦᑎᔪᑦ ᐸᕐᓇᐃᓂᕐᒥᑦ ᐊᒻᒪ ᓄᓇᓂᑦ ᓄᓇᖑᐊᓕᐅᓂᕐᒧᑦ ᐊᒻᒪ ᑐᑭᓯᒋᐊᕈᑎᖏᓐᓂ ᐊᑐᖅᑕᐅᔪᓂᑦ; ᓇᓗᓇᐃᖅᓯᔪᑦ ᓇᓕᒧᓐᓂᖃᕐᓗᑎ ᐊᑭᑐᔪᓄᑦ ᐸᕐᓇᐃᓂᕐᒥᑦ ᐊᒻᒪ ᓄᓇᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᔭᐅᔪᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᔭᐅᔭᕆᐊᓕᓐᓂᑦ, ᐊᒻᒪ ᐊᐅᓚᑦᑎᕙᑦᑐᑦ ᐱᖁᑎᕐᔪᐊᓂᑦ ᐱᑕᖃᖅᑎᑦᑎᔪᓐᓇᓂᕐᒧᑦ ᐱᕈᖅᑐᓂᑦ.
ᑭᓲᒻᒪ ᓄᓇᕗᒥᑦ ᐃᒡᓗᓕᐅᕐᕕᒃᓴᑦ ᐱᓕᕆᐊᕆᔭᐅᔪᖅ (L4H)?
ᓄᓇᓂᑦ ᐊᒻᒪ ᐃᓪᓗᓕᕆᓂᕐᒧᑦ ᐱᓕᕆᖃᑎᖏᑦ ᐃᖅᑲᓇᐃᔭᖃᑎᒌᑦᑐᑦ ᐃᑲᔪᕐᓗᑎ ᐱᑕᖃᖅᑎᑦᑎᓗᑎ ᓴᓇᕝᕕᐅᑐᐃᓐᓇᕆᐊᓕᓐᓂ ᓄᓇᓂᑦ ᐊᒻᒪ ᐃᓪᓗᖃᖅᑎᑎᒃᑲᓂᓂᕐᒧᑦ ᓇᓖᕌᕋᔅᓴᓂᑦ ᓄᓇᕗᒻᒥᐅᓄᑦ.
ᑭᒃᑯᑦ ᐃᓚᐅᕙᑦ ᐅᕙᓂ ᐃᒡᓗᓕᐅᕐᕕᒃᓴᑦ ᐱᓕᕆᐊᒃᓴᒥ?
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC), ᓄᓇᕗᑦ ᑐᙵᕕᒃ (NTI), ᐊᒻᒪ ᓄᓇᕘᒻᒥ ᕼᐋᒻᓚᑯᑦ ᑲᑐᔨᖃᑎᒌᖏᑦ (NAM) ᐱᓕᕆᖃᑎᒌᒃᑐᑦ ᑖᔅᓱᒥᖓ. ᑎᒍᒥᐊᖅᑎᒻᒪᕆᒋᔭᐅᔪᑦ ᐅᑯᐊᖑᔪᑦ ᐊᕕᒃᑐᖅᓯᒪᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᓕᖕᓂ ᕼᐋᒻᒪᓚᒃᑯᑦ, ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ. ᐱᓕᕆᐊᖅ ᑮᓇᐅᔭᖃᖅᑎᑕᐅᔪᖅ ᐅᑯᓄᖓ ᑲᓇᑕᒥ ᐊᑐᖅᑐᐊᕈᑎᓄᑦ ᐃᒡᓗᓕᕆᔨᕐᔪᐊᒃᑯᑦ (CMHC).
ᖃᓄᐃᒻᒪᑦ ᐃᒡᓗᓕᐅᕐᕕᒃᓴᑦ ᐱᒻᒪᕆᐊᓘᕙᑦ?
ᐊᑲᐅᖏᓕᐅᕈᑎᐅᔪᖅ ᓈᒻᒪᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐊᑦᑕᓇᖅᑎᑏᓐᓇᖅᑐᑦ ᓄᓇᕗᒻᒥᐅᓂᑦ. ᓱᑲᓐᓂᖓ ᐃᓪᓗᐃᑦ ᓴᓇᔭᐅᓂᖏᓐᓄᑦ ᓄᓇᕗᒻᒥ ᒪᕐᕈᐊᖅᑎᓗᐊᖅᓯᒪᓕᖅᑐᖅ ᒪᕐᕉᓐᓂᒃ ᐊᕐᕌᒎᓕᖅᑑᓐᓂᒃ. ᐱᓕᕆᖃᑎᒌᖕᓂᖅᑕᖃᙱᑉᐸᑦ ᒪᐅᓇ ᓈᒻᒪᓈᕐᓯᒪᔪᒃᑯᑦ ᓈᒻᒪᒃᑐᓂᒃ “ᓴᓇᕝᕕᐅᑐᐃᓐᓇᕆᐊᓕᒃ” ᓄᓇᓂ, ᐅᓄᙱᓐᓂᕐᓴᓂ ᓄᑖᓂ ᐃᒡᓗᓕᐅᕋᔭᕐᑐᑦ.
ᖃᓄᖅ ᐃᒡᓗᓕᐅᕐᕕᒃᓴᑦ ᐃᑲᔪᕐᐸ ᓄᓇᓂ ᐊᒻᒪ ᐃᒡᓗᓕᕆᓂᕐᒥ ᐱᓕᕆᖃᑎᒌᓂ?
ᐃᒡᓗᓕᐅᕐᕕᒃᓴᑦ ᖃᐅᔨᒪᔭᓄᑦ ᑐᙵᕕᖓ ᐊᒻᒪ ᐃᒡᓗᓕᐅᕐᕕᒃᓴᑦ ᑐᑭᓯᒋᐊᕈᑎᓄᑦ ᓴᓇᕐᕈᑏᑦ ᓇᓗᓇᐃᖅᓯᔪᑦ ᐱᑕᖃᕆᐊᖃᖅᑐᑦ ᑐᑭᓯᒋᐊᕈᑏᑦ ᐱᔭᒡᓴᐅᓗᑎ ᐃᑲᔪᕐᓗᑎ ᐱᐅᔪᓂᑦ ᐃᓱᒪᓕᐅᓂᕐᒧᑦ ᓄᓇᖃᖅᑎᑕᐅᓂᕐᒧᑦ ᐊᒻᒪ ᓂᕈᐊᓂᕐᒧᑦ ᓄᓇᓂᑦ ᐊᖏᕋᐅᔪᓄᑦ.
ᖃᓄᖅ ᐃᒡᓗᓕᐅᕐᕕᒃᓴᑦ ᐱᐅᓯᕚᓪᓕᖅᑎᑦᑎᕙ ᐊᑐᐃᓐᓇᖃᕐᓂᕐᒥ ᓈᒻᒪᒃᑐᓂ ᓄᓇᓅᖓᔪᓂᒃ ᑐᓴᒐᒃᓴᓂ?
ᐃᒡᓗᓕᐅᕐᕕᒃᓴᑦ ᓇᓗᓇᐃᖅᓯᓯᒪᔪᑦ ᓄᓇᖃᖅᑎᑦᑎᓂᕐᒧᑦ, ᐱᖁᑎᕐᔪᐊᓄᑦ, ᐊᒻᒪ ᑐᑭᓯᒋᐊᕈᑎᓂᑦ ᐱᑕᖃᖏᑦᑐᓂᑦ; ᑲᑎᖅᓱᐃᓯᒪᔪᑦ ᖃᐅᔨᒪᔭᐅᔪᓂᑦ ᑐᓐᖓᕕᖏᓐᓂ ᓄᓇᓕᒻᒧᑦ, ᓴᓂᓪᓕᖏᓐᓄᑦ, ᐊᒻᒪ ᐊᒥᓱᓂᑦ ᑐᑭᓯᒋᐊᕈᑎᓂᑦ; ᓴᖅᑭᑎᑦᑎᓯᒪᔪᑦ ᓴᓇᕐᕈᑎᓂᑦ ᓄᐊᑦᑎᓗᑎ, ᑐᖅᑯᐃᓗᑎ, ᐊᒻᒪ ᐊᑐᕐᓗᑎ ᓄᓇᓄᑦ ᐊᑦᑐᐊᓂᓕᓐᓄᑦ ᑐᑭᓯᒋᐊᕈᑎᓂᑦ; ᐊᒻᒪ ᐱᑕᖃᖅᑎᑦᑎᓯᒪᔪᑦ ᐊᑐᐊᒐᖏᓐᓂ ᐊᒻᒪ ᓴᓇᓯᒪᑦᑕᐅᑎᒋᔪᓂᑦ ᐃᑲᔪᕐᓗᒋᑦ ᐃᓪᓗᓕᕆᓂᕐᒧᑦ ᐱᓕᕆᖃᑎᖏᑦ.
ᖃᓄᖅ “ᓈᒻᒪᒃᑐᑦ” ᓄᓇ ᐃᒡᓗᓕᐅᕐᕕᒃᓴᓄᑦ ᑐᑭᖃᕐᒪᓐ?
ᓈᒻᒪᑦᑐᓂ ᓄᓇᐃᑦ ᐊᖏᕋᖃᕐᕕᐅᑎᑕᐅᓯᒪᓗᑎ ᑭᓪᓕᖏᑦ ᐊᒻᒪ ᓇᓗᓇᐃᔭᖅᓯᒪᓂᖏᓐᓄᑦ ᓈᒻᒪᓐᓂᖃᖅᑐᑎ, ᑮᓇᐅᔭᑎᒍᑦ ᐊᑭᑐᓗᐊᖏᑦᑐᓂᑦ ᐊᒻᒪ ᐊᕙᑎᓕᕆᓂᕐᒧᑦ ᒪᑭᒪᑎᑕᔅᓴᐅᔪᓂᑦ. ᐱᓕᕆᐊᖃᕆᐊᖃᕐᒥᔪᑦ ᓄᓇᓕᖕᓄᑦ ᓯᕗᓪᓕᐅᖁᔭᐅᔪᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᒍᑦ ᐱᔭᐅᔭᕆᐊᓕᒃᑯᑦ.
ᖃᓄᖅ “ᓴᓇᕝᕕᐅᑐᐃᓐᓇᕆᐊᓕᒃ” ᓄᓇ ᐃᒡᓗᓕᐅᕐᕕᒃᓴᓄᑦ ᑐᑭᖃᕐᒪᓐ?
ᓴᓇᕝᕕᐅᔪᓐᓇᕐᓯᓯᒪᔪᖅ ᓄᓇ ᐊᖏᕐᑕᐅᓯᒪᔪᖅ ᐊᖏᕐᕋᓕᐅᕐᕕᐅᔪᓐᓇᕐᓗᓂ ᓄᓇᓖᑦ ᓄᓇᓕᖕᓄᑦ ᐸᕐᓇᐅᑎᓄᑦ ᐊᒻᒪ ᐃᓂᒋᔭᐅᔪᒃᓴᓂ ᒪᓕᒐᕋᓛᒃᑯᑦ, ᐊᒻᒪᓗ ᐱᔨᑦᑎᕋᖅᑕᐅᔪᓐᓇᕐᓯᓯᒪᓪᓗᓂ ᒪᑯᓄᖓ ᐊᖅᑯᑎᓄᑦ, ᑰᕝᕕᒃᓴᓄᑦ, ᖃᐅᒻᒪᖅᑯᑎᓄᑦ ᐊᒻᒪ ᐃᒪᐅᑉ ᐊᖅᑯᑎᖏᓐᓄᑦ (ᑕᐃᒪᐃᑦᑐᓐᓇᖅᐸᑕ).
ᖃᓄᕐᓕ ᐊᑯᓂᐅᑎᒋᔪᖅ ᐱᓕᕆᐊᖃᖃᑦᑕᖅᐸᑦ ᓄᓇᐃᑦ ᐱᓕᕆᐊᖑᓂᖏᑦ ᐃᒡᓗᓕᐅᕐᕕᒃᓴᓄᑦ “ᓴᓇᕝᕕᐅᑐᐃᓐᓇᕆᐊᓕᒃᓂ”
ᖃᐅᔨᔭᕌᖓᒥᒃ ᓄᓇᒥ ᐱᑕᖃᕆᐊᖃᕐᓂᖓᓂᒃ ᐊᒻᒪ ᓇᓗᓇᐃᖅᑕᐅᓗᓂ, ᓄᓇᒧᑦ ᐸᕐᓇᐅᑎᓕᐅᖃᑦᑕᖅᑐᑦ ᐊᒻᒪ ᐊᑐᖅᑕᐅᖃᑦᑕᕆᐊᓕᖕᓂ ᐋᖅᑭᒃᓱᐃᓂᖏᑦ ᐊᑯᓂᕈᓗᒃ ᐱᓕᕆᐊᖑᕙᒃᑐᑦ. ᐃᒡᓗᓕᐅᓕᖃᑦᑕᖅᑐᑦ ᐃᓛᓐᓂ ᐊᑐᖅᑕᐅᔭᕆᐊᓖᑦ ᐱᐊᓂᒃᑕᐅᓯᒪᙱᒃᑲᓗᐊᖅᖢᑎᒃ.
ᖃᓄᐃᓐᓂᐊᕐᐸᑦ ᐱᐊᓂᒃᒪᑦ ᒫᓐᓇ ᐱᓕᕆᐊᖑᔪᖅ ᐆᒧᖓ ᐃᒡᓗᓕᐅᕐᕕᒃᓴᓄᑦ?
ᐅᓇ ᐃᒡᓗᓕᐅᕐᕕᒃᓴᖅᒧᑦ ᐃᒡᓗᓕᐅᕐᕕᒃᓴᑦ ᖃᐅᔨᒪᔭᓄᑦ ᑐᙵᕕᒃ ᐊᒻᒪᓗ ᐅᓇ ᐃᒡᓗᓕᐅᕐᕕᒃᓴᑦ ᑐᓴᒐᒃᓴᖃᕐᕕᖓᓄᑦ ᖃᓄᐃᓕᐅᕈᑎᑦ ᐊᑐᐃᓐᓇᐅᓕᕐᓂᐊᖅᑐᑦ ᐱᓕᕆᖃᑎᒋᔭᐅᔪᓄᑦ ᐊᒻᒪ ᑎᒍᒥᐊᖅᑎᓄᑦ ᒫᔾᔨ 31, 2025−ᒥ. ᐃᒡᓗᓕᐅᕐᕕᒃᓴᑦ ᐱᓕᕆᓂᖅ 2.0 ᐸᕐᓇᒍᑎᒧᑦ ᐸᕐᓇᐅᑎᑦ ᐅᖃᐅᓯᖃᕐᑐᖅ ᖃᓄᖅ ᐃᒡᓗᓕᐅᕐᕕᒃᓴᑦ ᑲᔪᓯᓂᐊᕐᒪᖔᑕ ᐃᑲᔪᖅᑐᐃᓂᕐᒥ ᐃᒡᓗᓕᐅᕐᓂᕐᒥ ᐊᒻᒪ ᓄᓇᓕᕆᓂᕐᒥ ᐱᓕᕆᖃᑎᒌᓂᒃ ᓯᕗᓂᑦᑎᓐᓂ.