ᐃᒡᓗᓕᐅᕐᕕᒃᓴᑦ (L4H) ᐱᓕᕆᖃᑎᒌᖕᓂᒃᑯᑦ ᐱᒋᐊᖅᑕᐅᔪᖅ (ᐊᑎᖃᖅᑎᑕᐅᖕᒥᔪᖅ ᑐᓗᕐᑕᕐᕕᖕᓂ ᐲᔭᐃᓂᖅ: ᐃᑲᔪᖅᑐᐃᓂᖅ ᐊᑐᐃᓐᓇᖃᕈᓐᓇᕐᓂᕐᒥᒃ ᓈᒻᒪᒃᑐᓂᒃ ᓄᓇᓂ ᐃᒡᓗᒃᓴᖃᐅᓕᕐᓂᖓᓂ ᓄᓇᕗᒥᑦ). ᐱᓕᕆᐊᖃᕐᓂᕐᓴᐅᔪᑦ ᓄᓇᒥ ᐊᒃᑐᐊᔪᓂ ᖃᓄᐃᓕᐅᕈᑎᒃᓴᓂ ᓄᓇᕗᒥᑦ ᐃᒡᓗᒃᓴᓂ ᐊᒃᑐᐃᓂᖃᖅᑐᓂ. ᐱᓕᕆᐊᖑᓇᓱᒃᑐᖅ ᐃᑲᔫᑎᖃᖅᑎᑕᐅᔪᖅ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓂ (CMHC) ᑖᒃᑯᐊ ᐱᓕᕆᐊᖓᒍᑦ ᐅᕘᓇ ᐃᒡᓗᖃᖅᑎᑦᑎᓂᕐᒥ ᖃᓄᐃᓕᐅᕈᑎᒃᓴᖅ 3 ᐅᑭᐅᖅᑕᖅᑐᕐᒥ ᐊᑐᐃᓐᓇᖃᕐᓂᕐᒧᑦ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔫᑎᒃᓴᒃᑲᓐᓂᖃᖅᑎᑦᑎᓚᐅᕐᑐᑦ.
ᐱᒋᐊᕈᑎᕕᓂᖅ ᐆᒥᖓ ᐃᒡᓗᓕᐅᕐᕕᒃᓴᑦ (L4H) “ᐱᕙᓪᓕᐊᔾᔪᑎᒃᓴᓕᕆᓂᖅ” ᐱᐊᓂᒃᑕᐅᓚᐅᕐᑐᖅ 2023−ᒥ. ᒫᓐᓇᒧᓪᓕ “ᐱᕙᓪᓕᐊᔾᔪᑎᒃᓴᓕᕆᓂᖅ” ᐱᓕᕆᐊᖑᓕᓚᐅᕐᑐᖅ ᔭᓄᐊᕆ 2024−ᒥ ᑎᑭᓪᓗᒍ ᒫᔅᓯ 2025, ᐱᓕᕆᒍᑎᐅᓂᕐᓴᐅᓂᐊᖅᑐᖅ ᐱᐅᓯᕚᓪᓕᖅᑎᑦᑎᓂᕐᒥ ᐊᑐᐃᓐᓇᖃᓕᕐᓂᕐᒥᒃ ᓈᒻᒪᒃᑐᓂᒃ ᓄᓇᓂ ᐊᒃᑐᐊᔪᓂᒃ ᖃᐅᔨᒪᓂᕐᒧᑦ ᐊᒻᒪ ᑲᑎᑕᐅᕙᓪᓕᐊᔪᓂ ᐊᒻᒪᓗ ᓴᙱᒃᑎᑉᐹᓪᓕᕋᓱᒃᖢᒍ ᐱᓕᕆᖃᑎᒌᖕᓂᖅ ᐊᒻᒪ ᑐᓴᐅᒪᖃᑦᑕᐅᑎᓂᖅ ᐃᒡᓗᓕᕆᓂᕐᒥ ᐱᓕᕆᖃᑎᒌᓂᒃ.
ᑐᕌᒐᕆᔭᐅᓗᐊᕐᑐᕐᓕ ᐆᒧᖓ ᐃᒡᓗᓕᐅᕐᕕᒃᓴᑦ (L4H) ᐱᔪᓐᓇᐅᑎᖃᕐᓂᕐᓴᐅᓗᑎᒃ ᐱᓕᕆᖃᑎᒌᒃᑐᑦ ᐸᕐᓇᐅᓯᐅᕐᓂᕐᒥᒃ, ᐋᖅᑭᒃᓱᐃᕙᓪᓕᐊᓂᕐᒥᒃ, ᐊᐅᓚᑦᑎᓂᕐᒥᒃ, ᖃᐅᔨᓴᕐᓂᕐᒥᒃ, ᐊᒻᒪ ᓂᕈᐊᕐᓂᕐᒥᒃ ᓄᓇᓂ ᐊᖏᕐᕋᒃᓴᓄᑦ, ᐊᒻᒪᓗ ᑐᓗᕐᑕᕐᕕᖕᓂ ᐱᑕᖃᕈᓐᓃᖅᑎᑦᑎᓗᑎᒃ ᒪᑯᓂᖓ ᐱᑖᖅᑎᑦᑎᓇᓱᖕᓂᕐᒥ ᓈᒻᒪᒃᑐᓂᒃ ᓄᓇᓂ.
ᐃᒡᓗᓕᐅᕐᕕᒃᓴᑦ (L4H) ᐱᓕᕆᖃᑎᒌᒃᑐᑦ ᐅᑯᐊᖑᔪᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᐱᓇᓱᒃᑎᐅᓪᓗᑎᒃ ᐊᒻᒪ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐃᑲᔫᑎᒃᓴᖃᖅᑎᑕᐅᓪᓗᑎᒃ, ᐃᓄᐃᑦ ᐱᔪᓐᓇᐅᑎᖏᓐᓂ ᐸᐸᑦᑎᔩᑦ ᓄᓇᕗᑦ ᑐᙵᕕᒃ (NTI), ᐊᒻᒪᓗ ᓄᓇᕗᒻᒥ ᕼᐋᒻᒪᓚᒃᑯᑦ ᑲᑐᔾᔨᖃᑎᒌᖏᑦ (NAM) ᑭᒡᒐᖅᑐᐃᓪᓗᑎ ᓄᓇᕗᒥᑦ 25 ᓄᓇᓕᖕᓂᑦ.
ᐊᓯᖏᑦ ᐱᓕᕆᐊᒃᓴᒧᑦ ᐱᓕᕆᖃᑕᐅᔪᑦ ᐊᒻᒪ ᑎᒍᒥᐊᖅᑎᓪᓚᕆᐅᓪᓗᑎ ᐅᑯᐊ ᓄᓇᕗᒥᑦ ᒐᕙᒪᒃᑯᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ (CGS), ᐱᖓᓱᑦ ᐊᕕᒃᑐᖅᓯᒪᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᑦ (RIA), ᐊᕕᒃᑐᕐᓯᒪᓂᒃᑯᑦ ᐃᓄᐃᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐ ᐊᒻᒪᓗ ᓄᓇᕗᑦ 25 ᓄᓇᓕᖏᑦ.
ᓄᓇᕗᒻᒥᐅᑦ ᐃᒡᓗᓂ ᓈᒻᒪᙱᓕᐅᕈᑎᖃᐃᓐᓇᐅᔭᕐᒪᑕ ᐊᒻᒪᓗ ᐃᒡᓗᓂ ᐃᓱᒪᒃᓴᖅᓯᐅᕈᑎᖃᙱᓗᐊᖅᖢᑎᒃ. ᐅᓇ ᐊᒃᑐᐊᓂᖃᒻᒪᕆᖕᒪᑦ ᐃᓅᖃᑎᒌᖕᓂᒃᑯᑦ, ᐃᓕᖅᑯᓯᕐᒧᑦ ᐊᒻᒪ ᑮᓇᐅᔭᓕᐅᕋᓱᒍᑎᓄᑦ ᐅᑯᓄᖓ ᐃᒻᒥᒃᑰᖓᔪᓄᑦ, ᐃᓚᒌᓄᑦ ᐊᒻᒪ ᓄᓇᓕᖕᓄᑦ ᓄᓇᕗᓕᒫᒥᑦ. ᐱᑖᖃᙱᑉᐸᑦ ᓈᒻᒪᓈᕐᓯᒪᔪᓂᒃ ᓈᒻᒪᒃᑐᓂᒃ “ᓴᓇᕝᕕᐅᔪᓐᓇᕐᓯᓯᒪᔪᓂᒃ” ᓄᓇᓂ, ᑕᐃᒪᓕ ᐅᓄᙱᓐᓂᕐᓴᓂᒃ ᐃᒡᓗᓂ ᓴᓇᓇᔭᕐᑐᑦ.
ᐄ. ᐃᒡᓗᒃᓴᓂ ᓴᓇᓂᕐᓴᐅᓕᕐᑐᑦ ᐊᕐᕌᒎᒃ ᒪᕐᕉᒃ ᐃᓗᖓᓂ ᑕᐃᒪᓐᓇᓗ ᓄᓇ ᐊᑐᕐᑕᐅᓂᕐᓴᐅᔪᒪᑲᑕᓕᖅᖢᓂ. ᐃᓚᖏᑦ ᓄᓇᓖᑦ ᐃᒡᓗᓕᐅᕐᕕᐅᔪᓐᓇᖅᑐᓂ ᓄᓇᖏᓐᓂ ᐱᑕᖃᙱᓗᐊᕐᒪᓐ, ᐊᒻᒪᓗ ᐅᓄᕐᑐᑦ ᓄᓇᓂ ᐊᑐᐃᓐᓇᖃᖏᓐᓂᕐᓴᐅᓕᕐᓂᐊᖅᖢᑎᒃ ᐊᕐᕌᒍᓂ ᐊᒡᒋᖅᑐᓂ ᐃᒡᓗᒃᓴᖃᕐᓂᕐᓴᐅᓕᕐᓂᖓ ᑲᔪᓯᕙᓪᓕᐊᓂᖓᓄᑦ.
ᓴᓇᕝᕕᐅᔪᓐᓇᕐᓯᓯᒪᔪᖅ ᓄᓇ ᐊᖏᕐᑕᐅᓯᒪᔪᖅ ᐊᖏᕐᕋᓕᐅᕐᕕᐅᔪᓐᓇᕐᓗᓂ ᓄᓇᓖᑦ ᓄᓇᓕᖕᓄᑦ ᐸᕐᓇᐅᑎᓄᑦ ᐊᒻᒪ ᐃᓂᒋᔭᐅᔪᒃᓴᓂ ᒪᓕᒐᕋᓛᒃᑯᑦ, ᐊᒻᒪᓗ ᐱᔨᑦᑎᕋᖅᑕᐅᔪᓐᓇᕐᓯᓯᒪᓪᓗᓂ ᒪᑯᓄᖓ ᐊᖅᑯᑎᓄᑦ, ᑰᕝᕕᒃᓴᓄᑦ, ᖃᐅᒻᒪᖅᑯᑎᓄᑦ ᐊᒻᒪ ᐃᒪᐅᑉ ᐊᖅᑯᑎᖏᓐᓄᑦ (ᑕᐃᒪᐃᑦᑐᓐᓇᖅᐸᑕ).
ᓈᒻᒪᒃᑐᖅ ᓄᓇ ᐊᖏᕐᕋᒃᓴᓄᑦ ᒪᓕᒐᖅᑎᒎᖓᓂᐊᕐᑐᑦ ᓴᓇᕝᕕᐅᔪᓐᓇᕐᓯᓗᑎᒃ ᐊᒻᒪᓗ ᓈᒻᒪᓈᕐᓯᒪᓗᑎᒃ, ᑮᓇᐅᔭᑎᒍᓪᓗ ᐊᑑᑎᖃᑦᑎᐊᕐᓗᓂ, ᐊᕙᑎᒋᔭᒧᓪᓗ ᐊᑐᕈᓐᓇᕐᓯᓯᒪᓗᓂ ᐊᒻᒪᓗ ᐃᓅᖃᑎᒌᖕᓂᕐᒧᑦ ᐊᒻᒪ ᐃᓕᖅᑯᓯᕐᒧᑦ ᐱᔭᐅᔪᒪᔪᓂ ᒪᓕᒍᓐᓇᕐᓂᕐᓴᐅᓗᓂ ᓄᓇᓕᖕᓂ.
ᓴᓇᕝᕕᐅᔪᓐᓇᕐᓯᓯᒪᔪᖅ ᓄᓇ ᐊᖏᕐᑕᐅᓯᒪᔪᖅ ᐊᖏᕐᕋᓕᐅᕐᕕᐅᔪᓐᓇᕐᓗᓂ ᓄᓇᓖᑦ ᓄᓇᓕᖕᓄᑦ ᐸᕐᓇᐅᑎᓄᑦ ᐊᒻᒪ ᐃᓂᒋᔭᐅᔪᒃᓴᓂ ᒪᓕᒐᕋᓛᒃᑯᑦ, ᐊᒻᒪᓗ ᐱᔨᑦᑎᕋᖅᑕᐅᔪᓐᓇᕐᓯᓯᒪᓪᓗᓂ ᒪᑯᓄᖓ ᐊᖅᑯᑎᓄᑦ, ᑰᕝᕕᒃᓴᓄᑦ, ᖃᐅᒻᒪᖅᑯᑎᓄᑦ ᐊᒻᒪ ᐃᒪᐅᑉ ᐊᖅᑯᑎᖏᓐᓄᑦ (ᑕᐃᒪᐃᑦᑐᓐᓇᖅᐸᑕ).
ᐅᓇ ᐊᔾᔨᒌᖃᑦᑕᙱᑦᑐᖅ. ᓄᓇᒥ ᐸᕐᓇᐅᓯᐅᕐᐸᓪᓕᐊᓂᖅ ᐊᕐᕌᒎᖕᓂ ᒪᕐᕉᖕᓂ ᐱᖓᓱᓄᑦ ᐱᓕᕆᐊᖑᔪᓐᓇᕐᒪ ᐅᖓᑖᓄᓪᓘᓐᓃᑦ ᑕᐅᑐᒃᖢᒋᑦ ᐊᖏᑎᒋᓂᖓ ᐊᒻᒪ ᓯᕗᓪᓕᐅᑎᑦᑕᕆᐊᓖᑦ. ᓴᓇᔭᐅᕙᓪᓕᐊᓂᖓᓗ ᐱᖁᑎᒃᓴᖏᓐᓂ ᐊᒻᒪ ᐊᕐᕌᒎᖕᓂ ᒪᕐᕉᖕᓂ ᐱᖓᓱᓄᑦ ᐅᖓᑖᓄᓪᓘᓐᓃᑦ ᐱᓕᕆᐊᖑᓇᔭᖅᖢᓂ.
ᐊᑐᐃᓐᓇᖃᕐᓂᖅ ᓈᒻᒪᒃᑐᓂᒃ ᓄᓇᒥ ᐊᒃᑐᐊᔪᓂᒃ ᑲᑎᑕᐅᓯᒪᔪᓂᒃ ᐊᒻᒪ ᖃᐅᔨᒪᔭᐅᔪᓂᒃ ᐃᑲᔪᖅᐹᓪᓕᕈᑎᐅᒪᑦ ᐱᐅᓂᕐᓴᓂᒃ ᐊᒻᒪ ᐊᑑᑎᖃᕈᓐᓇᕐᓂᕐᓴᓂ ᐃᓱᒪᓕᐅᕆᑲᑕᖕᓂᕐᒧᑦ ᐊᒻᒪᓗ ᐅᓗᕆᐊᓇᙱᓐᓂᕐᓴᐅᓪᓗᓂ ᖃᓄᐃᓕᐅᖅᐸᓪᓕᐊᓂᕐᒧᑦ ᓄᓇᓕᕆᓂᕐᒧᑦ ᐊᒻᒪ ᓄᓇᐅᑉ ᐊᑐᖅᑕᐅᑯᑖᒍᓐᓇᕐᓂᖏᓐᓄᑦ. ᑐᓴᐅᒪᓂᖅ ᐱᐅᓛᖑᖕᒪᑦ ᐸᕐᓇᐅᓯᐅᕐᓂᕐᒧᑦ, ᐋᖅᑭᒃᓱᐃᕙᓪᓕᐊᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᓄᓇᒥ ᐱᖃᕈᓐᓇᕐᓂᕐᒥ; ᐱᒻᒪᕆᐅᓪᓗᓂ ᐃᒡᓗᖃᖅᑎᑦᑎᕙᒃᑐᓄᑦ ᑖᒃᑯᐊ ᓇᓗᓇᐃᕐᓯᖃᑦᑕᕐᒪᑕ, ᐊᑐᐃᓐᓇᖃᕈᓐᓇᖅᑎᑦᑎᓪᓗᑎᒃ ᐊᒻᒪ ᓈᒻᒪᒃᑐᓂ ᓄᓇᖃᖅᑎᑦᑎᔪᓐᓇᕐᓗᑎ; ᐊᒻᒪ ᐸᕐᓇᐅᓯᐅᕐᓂᒃᑯᑦ, ᖃᓄᐃᓕᐅᖓᓂᐊᕐᓂᖓᒍᑦ ᐊᒻᒪ ᓄᓇᒥ ᓂᕈᐊᕐᓂᕐᒥ ᓈᒻᒪᙱᓕᐅᕈᑎᓂ ᐊᑐᙱᓐᓂᕐᓴᐅᓗᑎᒃ ᐊᓂᒍᐃᑦᑎᐊᙱᔾᔪᑎᐅᔪᓐᓇᖅᑐᓂ ᐊᒻᒪᓗ ᐊᐅᓚᑦᑎᓂᕐᒧᑦ ᓈᒻᒪᙱᓕᐅᕈᑎᖃᙱᓐᓂᕐᓴᐅᓗᑎᒃ ᐃᒡᓗᖃᖅᑐᑦ ᐊᒻᒪ ᓄᓇᓖᑦ.
ᐅᓇ ᐃᒡᓗᓕᐅᕐᕕᒃᓴᑦ (L4H) ᖃᐅᔨᓴᕐᐸᓪᓕᐊᔪᑦ ᐊᑐᓂ ᓄᓇᓕᒃᑎᒍᑦ ᓄᓇᓂ ᐊᑐᐃᓐᓇᖃᕐᓂᕐᒧᑦ ᐊᑯᑦᑐᔾᔪᑎᒋᔭᖏᓐᓂᒃ; ᓇᓗᓇᐃᕋᓱᒃᖢᑎᒃ ᐱᖁᑎᖃᕐᕕᐅᔪᓐᓇᖅᑐᓂᒃ; ᑲᑎᕐᓱᐃᓪᓗᑎᒃ ᖃᐅᔨᒪᔭᐅᔪᓂᒃ ᐊᒻᒪ ᑲᑎᑕᐅᕙᓪᓕᐊᓯᒪᔪᓂ ᓄᓇᓕᒃᑎᒎᖓᔪᓂᒃ, ᖃᓂᒌᒃᑐᓂ ᐃᒡᓗᖃᕐᕕᐅᓇᔭᕐᑐᓂᒃ ᐊᒻᒪᓗ ᐊᑐᕐᕕᐅᔪᓐᓇᕋᔭᕐᑐᓂᒃ; ᐃᓚᐅᑎᑦᑎᓪᓗᑎᒃ ᒫᓐᓇ ᑐᓴᐅᒪᔭᐅᔪᓂᒃ; ᐋᖅᑭᒃᓱᐃᕙᓪᓕᐊᓪᓗᑎᒡᓗ ᐱᓕᕆᔾᔪᑎᒃᓴᓂᒃ, ᑐᑭᒧᐊᕈᑎᒃᓴᓂᒃ, ᐊᒻᒪ ᖃᓄᖅ ᐋᖅᑭᒃᓯᒪᔾᔪᑎᐅᓂᐊᕐᑐᓂᒃ ᐃᑲᔪᕈᑎᒃᓴᓂ ᐃᒡᓗᓕᐅᕐᓂᕐᒧᑦ ᐱᓕᕆᖃᑎᒌᒃᑐᓂ.
ᐱᐅᓯᕚᓪᓕᖅᑎᑦᑎᓂᖅ ᐱᖁᑎᖃᖅᑎᑦᑎᓂᕐᒥ ᓈᒻᒪᒃᑐᓂ ᓄᓇᓂ ᐱᑐᐃᓐᓇᐅᙱᒻᒪᑦ, ᐊᑯᓂᕈᓗᒡᓗ ᐱᓕᕆᒋᐊᖃᕐᓇᖅᖢᓂ, ᐊᖏᔪᓂ ᐃᑲᔫᑎᒋᔭᐅᔪᓐᓇᖅᑐᓂᒃ ᐊᒻᒪᓗ ᖃᓄᐃᓕᐅᕈᓘᔭᕆᐊᖃᕐᓇᖅᖢᓂ ᖁᓕᕇᓕᕐᓯᒪᔪᓂ ᐱᓕᕆᕝᕕᐅᕙᒃᑐᓄᑦ. ᐱᓕᕆᖃᑎᖃᒌᖕᓂᖅ ᐊᒻᒪ ᑐᓴᐅᒪᖃᑦᑕᐅᑎᑦᑎᓂᖅ ᐅᑯᓇᓂ ᓄᓇᓕᖕᓂ ᐊᒻᒪ ᓄᓇᕗᑦ ᒐᕙᒪᒃᑯᖏᓐᓂ, ᓄᓇᖃᖅᑐᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂ, ᐊᖏᕐᕋᖃᖅᑎᐅᔪᓂᒃ, ᓴᓇᕙᓪᓕᐊᖃᑦᑕᖅᑐᓂᒃ ᐊᒻᒪᓗ ᐊᑐᖅᑕᐅᖃᑦᑕᕆᐊᓕᖕᓂ ᐱᓕᕆᐊᖃᖅᑐᓂ ᐃᑲᔪᕈᑎᐅᕗᖅ ᐸᕐᓇᐅᓯᐅᖅᐸᓪᓕᐊᓂᕐᒧᑦ ᐊᒻᒪ ᐃᓱᒪᓕᐅᕆᕙᓪᓕᐊᓂᕐᒧᑦ ᐊᒻᒪᓗ ᐱᕕᖃᕈᑎᐅᓪᓗᓂ ᐃᑲᔫᑎᒃᓴᖃᕈᓐᓇᕐᓂᕐᒥ ᑐᕌᒐᕆᔭᐅᔪᒃᑯᑦ.
ᐋᒃᑲ. ᐅᓇ ᐃᒡᓗᓕᐅᕐᕕᒃᓴᑦ (L4H) ᐱᒋᐊᖅᑕᐅᔪᖅ ᐅᖃᐅᓯᖃᕐᑐᖅ ᐱᒻᒪᕆᐊᓗᖕᓂ ᑐᓗᕐᑕᕈᑎᓂᒃ ᐅᕝᕙᓘᓐᓃᑦ ᐅᓗᕆᐊᓇᕋᔭᕐᑐᓂᒃ ᒪᐅᓇ ᓄᓇ ᐊᖏᕐᕋᓄᑦ ᐱᑖᕋᓱᒃᐸᓪᓕᐊᓂᕐᒧᑦ, ᐊᔾᔨᒌᙱᑦᑑᑎᓂᒃ ᖃᓄᐃᓕᐅᕈᑎᒃᓴᓂ ᐊᒻᒪ ᐱᓕᕆᖃᑎᖃᕐᓂᖅ ᐊᑐᖅᑕᐅᔭᕆᐊᖃᕐᒪ ᓈᒻᒪᒃᑐᓂ ᓄᓇᓂ ᐃᒡᓗᒃᓴᓄᑦ ᑲᔪᓯᔪᓐᓇᕐᓂᐊᕐᒪ ᐊᑐᐃᓐᓇᐅᓕᕈᓐᓇᕐᓗᑎᒃ ᓯᕗᓂᒃᓴᑦᑎᓐᓂ ᐊᑐᖅᑕᐅᔭᕆᐊᖃᓕᕐᐸᑕ.
ᐄ. ᓇᓗᓇᐃᕐᓯᓂᒃᑯᑦ ᐊᒻᒪ ᐅᖃᐅᓯᖃᕐᓂᕐᒥ ᑐᓗᖅᑕᕈᑎᐅᔪᓂ ᐱᖁᑎᖃᕐᓂᕐᒥ ᓈᒻᒪᑐᓄᑦ ᓄᓇᓂ ᐊᖏᕐᕋᒃᓴᐅᓂᐊᖅᑐᓄᑦ, ᐅᓇ ᐃᒡᓗᓕᐅᕐᕕᒃᓴᑦ (L4H) ᐃᑲᔪᖅᑐᐃᔪᖅ ᐃᒡᓗᓕᕆᓂᕐᒧ ᖃᓄᐃᓕᐅᕈᑎᒃᓴᓂ ᓲᕐᓗ ᐅᑯᑎᑐᓇᖅ ᓄᓇᕗᒥᑦ ᒐᕙᒪᒃᑯᑦ ᐃᒡᓗᓕᐅᖃᑎᒌᖕᓂᖅ (ᓄᓇᕗᑦ 3000) ᐃᒡᓗᓕᐅᕋᓱᖕᓂᕐᒧᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᖏᕐᕋᑦᓴᓕᐅᓚᐅᖅᑕ (ᓄᓇᕗᑦ ᐃᓄᖕᓄᑦ ᐃᒡᓗᓕᕆᓂᕐᒧᑦ ᐸᕐᓇᐅᑎ ᐅᕝᕙᓘᓐᓃᑦ NIHAP) ᐊᒻᒪᓗ ᒪᓕᒃᖢᓂ ᓄᓇᕗᒥᑦ ᒐᕙᒪᒃᑯᑦ ᑲᑐᔾᔨᓗᑕ ᐱᓇᓱᐊᒐᖏᓐᓂ ᐱᓕᕆᖃᑎᖃᕐᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᓂ ᐊᒻᒪ ᐊᓯᖏᓐᓂ ᒐᕙᒪᒃᑯᑦ ᐱᓕᕆᕝᕕᖏᓐᓂ ᓈᒻᒪᒃᑐᒥ ᐃᒡᓗᓕᕆᓂᕐᒧᑦ ᐱᓇᓱᐊᖅᑎᓪᓗᒋᑦ.
ᐄ, ᐅᓇ ᓄᓇ ᐊᖏᕐᕋᓄᑦ ᐱᖁᑎᑖᕐᐸᓪᓕᐊᓂ ᐱᑐᐃᓐᓇᐅᙱᒻᒪᑦ ᐊᒻᒪᓗ ᐱᖃᕆᐊᖃᖅᖢᓂ “ᑭᒃᑯᓕᒫᓂ ᐃᑲᔪᕈᓐᓇᖅᑐᓂ” ᐱᓕᕆᓂᕐᒥ ᑕᒪᑐᒧᖓ ᓇᐃᓈᕐᓯᒪᔪᓂᒃ, ᕿᑎᐊᒎᖓᔪᓂᒃ ᐊᒻᒪ ᐊᑯᓂᐅᓂᕐᓴᖅ ᐅᓗᕆᐊᓇᕋᔭᕐᑐᓂᒃ. ᐅᑯᐊ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ, ᓄᓇᕗᑦ ᑐᙵᕕᒃ, ᐊᕕᒃᑐᖅᓯᒪᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᐊᓯᖏᑦ ᐃᒡᓗᓕᐅᖅᑎᑦ ᓇᓗᓇᐃᕐᓯᕙᓪᓕᐊᔪᑦ, ᖃᐅᔨᓇᓱᒃᐸᓪᓕᐊᓪᓗᓂ ᐊᒻᒪ ᓄᓇᓂ ᐃᒡᓗᓕᐅᕐᕕᐅᓇᔭᖅᑐᓂ ᓇᐃᓈᕐᓯᒪᔪᒃᑯᑦ ᐱᔭᐅᔭᕆᐊᓕᖕᓂ.
ᓄᓇᕗᒥᑦ ᒐᕙᒪᒃᑯᑦ ᐊᒻᒪ ᓄᓇᓕᖕᓂ ᕼᐋᒻᒪᓚᒃᑯᑦ ᐸᕐᓇᐅᓯᐅᖅᐸᓪᓕᐊᔪᑦ, ᐋᖅᑭᒃᓱᐃᕙᓪᓕᐊᓪᓗᑎᒡᓗ ᐊᒻᒪ ᐊᐅᓚᑦᑎᓪᓗᑎᒃ ᓄᓇᓂ; ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐊᒻᒪ ᓄᓇᕗᒻᒥ ᕼᐋᒻᒪᓚᒃᑯᑦ ᑲᑐᔾᔨᖃᑎᒌᖏᑦ ᐱᓕᕆᐊᖃᕐᑐᑦ ᐃᑲᔪᖅᑐᐃᓪᓗᑎᒃ ᓄᓇᓕᖕᓂ ᐸᕐᓇᐅᓯᐅᕐᓂᒃᑯᑦ ᐊᒻᒪ ᓄᓇᓕᕆᓂᕐᒧᑦ ᐱᓕᕆᐊᒃᓴᖏᑦᑎᒍᑦ; ᐊᒻᒪ ᓄᓇᕗᑦ ᑐᙵᕕᒃ ᐃᓄᖕᓂ ᓄᓇᕗᒥᑦ ᐅᖃᓪᓚᖃᑎᖃᑲᑕᒃᑐᑦ ᓇᓗᓇᐃᕐᓯᓇᓱᒃᖢᑎᒃ ᐊᒻᒪ ᐃᑲᔪᕋᓱᒃᖢᑎᒃ ᐃᓕᖅᑯᓯᒃᑯᑦ ᓈᒻᒪᒃᑐᓂ ᓄᓇᒥ ᐊᑐᖅᑕᐅᓂᕐᒥ ᐊᒻᒪ ᐃᒡᓗᓕᐅᕐᓂᕐᒥ.
ᐃᒡᓗᓕᐅᕐᕕᒃᓴᑦ (L4H) ᑖᒃᑯᓂᖓ ᑲᑐᔾᔨᖃᑎᒌᓂ ᐱᓕᕆᖃᑎᖃᕐᑐᖅ ᐊᒻᒪ ᐃᓚᖏᓐᓂ ᕼᐋᒻᒪᓚᓂ ᑕᒪᑐᒥᖓ ᐱᓕᕆᐊᖃᖃᑕᐅᔪᓂᒃ ᐃᑲᔪᖅᑕᐅᓯᒪᓂᕐᒧᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᓕᐅᕐᓂᕐᒧᑦ ᐃᑲᔫᑎᒃᓴᓄᑦ (HAF).
ᓯᕗᓂᐊᒍᑦ ᒫᔅᓯ 31, 2025, ᐃᒡᓗᓕᐅᕐᕕᒃᓴᑦ (L4H) ᐋᖅᑭᒃᓱᐃᕙᓪᓕᐊᓕᕐᓂᐊᕐᑐᖅ ᐱᓕᕆᐊᒧᑦ ᖃᐅᔨᓴᕐᓂᕐᒥ ᐱᒻᒪᕆᐅᔭᕆᐊᒃᓴᖓᓂ ᒫᓐᓇ ᖃᓄᐃᓕᐅᕈᑎᑦ ᑲᔪᓯᓗᑎᒃ ᐃᑲᔪᕈᑎᐅᓗᑎᒃ ᐱᐅᓯᕚᓪᓕᕐᓯᒪᔪᓂ ᐊᑐᐃᓐᓇᖃᕐᓂᕐᒥ ᐱᒻᒪᕆᖕᓂ ᓄᓇᒨᖓᔪᓂ ᑐᓴᐅᒪᔭᐅᔭᕆᐊᓕᖕᓂ ᐊᒻᒪ ᑐᓴᐅᒪᑎᑦᑎᖃᑦᑕᕐᓂᕐᒥᒃ ᐃᒡᓗᓕᐅᕐᓂᕐᒧᑦ ᐱᓕᕆᖃᑎᒌᒃᑐᓂᒃ. ᖃᐅᔨᓴᕐᓂᖅ ᑐᒃᓯᕋᐅᑎᖃᕐᓂᐊᖅᑐᖅ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎᓂᒃ ᐅᑯᓄᖓ ᐃᒡᓗᓕᐅᕐᕕᒃᓴᑦ (L4H) ᐱᓕᕆᖃᑎᒋᔭᐅᔪᓄᑦ ᐃᓱᒪᒋᔭᐅᓂᐊᖅᑐᓂᒃ ᐊᒻᒪ ᖃᓄᐃᓕᐅᕈᑎᒃᓴᓂ.